Product details

ඓතිහාසික මාගම රාජධානියේ ජාතික, ආගමික, සංස්කෘතික සහ අධ්‍යාපනික කේන්ද්‍රස්ථානය වූයේ රෝහණයේ මහා විහාරය හෙවත් තිස්සමහාරාමය යි. ප්‍රාග් ඓතිහාසික යුගය දක්වා දිවෙන තිස්සමහාරාමය සත්බුදුරජාණන් වහන්සේලාගේ ශ්‍රී පාදස්පර්ශයෙන් පූජනීයත්‍වයට පත් වු අතර රාජරාජ මහාමාත්‍යාදීන්ගේ නොමඳ අනුග්‍රහයට ද පාත්‍ර විය. රුහුණේ රජ පෙළපත, තිසස් මහාරාම විහාර වංසය, රුහුණේ පෞරාණික සිද්ධස්ථාන, රුහුණු සාහිත්‍යය, තිස්සමහාරාමයේ බණකතා සහ සෙල්ලිපි ආදී ශීර්ෂ යටතේ සම්පාදිත ' තිස්සමහාරාමය' නමැති මෙම කෘතිය එහි ඉතිහාසය පිළිබඳ පර්යේෂණ කරන ගවේෂකයින්ට, විද්‍යාර්ථින්ට සහ පාඨකයින්ට මූලාශ්‍රය ග්‍රන්ථයක් වනු ඇත. තවද, ශ්‍රී ලංකාවාසී සියල්ලෝ ම ' තිස්සමහාරාමය' නමැති මෙය කියවිය යුතු ම පුස්තකයක් බව කිව යුතු ය. අත්තුඩාවේ රාහුල මහා නාහිමියන් විසින් 2008 වර්ෂයේ සම්පාදිත 'තිස්සමහාරාමය' නමැති මෙම ග්‍රන්ථය නව සංශෝධිත තෙවන සංස්කරණය කළ අපගේ ශිෂ්‍ය කැලණිය විශ්ව විද්‍යාලයේ කථිකාචාර්ය යෝධකණ්ඩියේ අරියවංස හිමිගේ කාර්ය භාරය මෙහි ලා අගය කළ යුත්තේම ය.